Tuesday, February 1, 2011

~ Bloodline

ang dugo mas lapot o espeso pa kaysa tubig...





..dili gyud ikalimud ang ka-suod ug ka-sandurot sa kabanay ni Rhyzze. Kadtong niaging sabado, nasaksihan ko ang selebrasyon sa paghugot nga pagbalikos sa gugma ngadlo sa mga apohan nila Rhyzze. nag selebrar sila sa ika 90 ug 91 nga kaadlawan sa iyang lolo ug lola. didto ko na saksihan ang pagbulig, pagpangga ug tinug-anay nga pag-atiman sa matag-usa nga sakop sa pamilya. nakita nako na bisan ang matag pamilya, adunay gugma ug tinud-anay nga pagtagad sa usag-usa. kadto nga selebrasyon, walay bahid sa kabusaw. daw ilang gi-apod sa ubang mga taga-bukid ug silinganan ang grasya nga nadawat sa matag-usang pamilya. walay pagduha-duha nga gi-share ila ilang sa uban. tungod ani dakong respeto ug sa laing bahin, kasuya akong gibati atong panahona. respeto tungod sa ilang pagpangga sa usag-usa; ug kasuya kay wala man gud mi (sa akong kaugalingong pamilya) nakasuway ug ingon aning klase nga atiman sa usag-usa. bisan ako dili lumad nga romagos, wala (bisan kausa) gyud ko nila gipabatyag nga dili ko parte sa ilang pamilya. wala gyud ko kasuway nga ila kong gi-alienate o gipabati nako na usa ra ko nga taga-gawas nga nikalit lag butho sa ilang pamilya. wala gyud ko kadungog ug storya o bisan unsang klase nga paghusga sa akong pagkataw, akong giagian o akong gigikanan. ila gyud nuong gipabatyag nako ang kabaligtaran. diri ra ko naka batyag ug kasuod sa usa ka pamilya ug walay pagduha-duha nga pagdawat kanako. ug tungod ani, dakong pag pagtahod, taas nga pagtahud ug walay kinutobang pasalamat akong gihatag ngadto sa pamilya Romagos. ^__^


..sa laing bahin, wala gyud nuon ko kadayon sa akong planu nga moadto sa Carmen para makighimamat sa mga taga ZETS. na altrasaw na akong lakaw kay ako gyud gitilok ang panahon nga magkakuog mi sa akong bugoy nga si Aqui. Sa sunod nalang ko mokuog. Dili nako kahuwat nga makakuog mokat-kat nila. Puhon-puhon mayng lawas... nakatunga nuon ko sa among panagtagbo sa ACES-Mandaue apan kulang mi kay giuna man sa uban ang ilang mga lakaw. nahiubos ko gamay pero wala man koy control ato nila busa gipaningkamotan ko nalang nga naa mi gamay mahuman bahin sa among constitution. dako gihapon mig laktawon ug humanon. dili man sad ni namu mahuman kung wala ang uban kay gi-respeto man pud nako ilang opinion. unta mahuman nani aron makapadayon nami sa among planu.


ubang mga hulagway naa ngari >>> http://nieco00.multiply.com/photos/album/23/Grandparents_90th_Birthday_Bash




..lain pay ato. sa sunod na entry suwayan na nako magtinagalog ug eninglis. murag gisunggo sad kog suwat ani da.

4 comments:

  1. geng ga salum2x tawn kog basa ani imong post...kalawm bah hahaha

    ReplyDelete
  2. Ang hirap pala basahin ng Cebuano hehehehehe

    ReplyDelete
  3. @techwhiz: super. ehehehe.. XD
    @restless slipper: magagamit ung diving skills mo dito day.
    @glentot: mas mahirap magsalita ng tagalog! lols
    try mo dito sa cebu. matatawa ka.

    ReplyDelete