~ a new start.

...ingon akong amiga nga itago nalang nato sa pangalan nga tabian much, akong blog kay puros ra daw emo ang sulod. gisaway gyud intawn niya nga kadramahan ka-emohan ra ang sulod sa akong blog. nahigmata gyud intawn kos iyang mga panurya ug gigahinan ug oras sa pagbasa ug balik akong mga entry. 


naka-amgo ko nga puros ra gyud bitaw kadramahan ka-emohan ang sulod aning akong blog. ug sa walay pagduha-duha, gidesisyonan gyud nako nga i-overhaul i-retoke labhan akong tibuok blog. busa....


sugod karon, ug sa ugma, paninguhaon kong dili lang mag langkop ug kadramahan mga bati ug negatibong mga kasinatian ang ibutang ani.


sugod karon, ug sa ugma, paninguhaon kong magkatap ug mga matulun-anong mga hinyap.


sugod karon, ug sa ugma, paninguhaon kong mahimong mabulokon ug lingaw ning akong dangpanan.


sugod karon, ug sa ugma, paninguhaon kong magpasulod ug mga makahikabhikab nga mga istorya ug opinion.


kini tanan, akong paninguhaon, paningkamotan para ug alang sa kaluwasan sa pagpahayag. 


hala larga! Ü